ومــفعول بــقهر ..مجرور!

/
\
/
\

عجيبه ينكسر خاطر على جرح انولد مكسور..//..والادهى عشمة ذيابه على طير استوى هالك

مصيبه لاقست رعشة شتا واستوطنت مقهور..//..مصيبه تحتضن دمعة سنين الهم(بلحالك)

وسط كف الورق لاحت طواري والفضا مهجور..//..وبانت..يادفى شفها..تشمت فيك عذالك!

ضميرٍ مستتر حاقد ومفعول بقهر مجرور..//..على متن الطريق اللي ترابه للغبا مالك!

ظلام المقبره مجرم سرقني في بصيص النور..//..ولا به للأمل حفنة معاني حلم يصفالك

جنين السـم يفزعلي ويقهويني عما.. معذور..// لاني أشربه وأكثر..وأصوّت..هات فنجالك

غزا ليلي على ويلي وهد حيلي وياللجور..//..يصارحني كذا:والله أموت بلمحة ظلالك!

على جوفي يفتّ المر..يتناثر هنا مقبور..// واغصّ بعبرتي وادعي ب:فال الله ولا فالك

الين اليوم والصدمه تناشد بالهموم صخور..//..ويرجع صوتها ..ي نتي!مني عمّك ولا خالك!

ومازال العنا يسري بصدري والشقا مجبور..//..يغصّ بعلـّة العله ..ومازال القهر سالك

يجاري قمّه اوجاعي على بحر الحدا ..مغرور..//..ويطرب فالهوا ضدي اذا صار المسا حالك

يراهن كل ابو كلّي على ان الوجع دستور..//..ينادي لي الأسى بدري واردد فيه ..عقبالك!


/
\
/
\




ــــــــــــــــــــــــــــــــــــــــــــــــــــــ

أنا هِنا لاجل الهَنا..تكفون لا ابكي أبد..